रौतहट : रौतहटको परोहा नगरपालिकाको रामपुरबाट प्रहरीले स्रोत नखुलेको ३० लाख ७६ हजार रुपैयाँसहित दुई भारतीय नागरिकलाई नियन्त्रणमा लिएको छ ।
परोहा नगरपालिका ९ रामपुरखापमा भारततर्फ बाट आउँदै गरेको बिआर०५ आर४५२१ नम्बरको भारतीय मोटरसाइकल जाँच गर्ने क्रममा मोटरसाइकलमा सवार २ युवकका साथ बाट सो रकम बरामद भएको जिल्ला प्रहरी कार्यालयले जनाएको छ ।
पक्राउ पर्नेमा भारतको बिहार मोतिहारी जिल्लाको घोडासान बस्ने बन्टी कुमार कलवार र सुरज कलवार रहेको प्रहरी उपरिक्षक सिद्धि विक्रम शाहले बताए ।
पक्राउ परेका बन्टी कुमारले सो रकम राजपुरको एक चिमनी भट्टामा पु¥याउन आएको बताएको प्रहरीले जनाएको छ । चालु आर्थिक वर्षमा सिमाक्षेत्रमा प्रहरीले स्रोत नखुलेको १ करोड १७ लाख ८६ हजार रुपैंया बरामद गरिसकेको छ ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies