काठमाडौं : नेपाली कांग्रेसले नेकपा एमालेका अध्यक्ष केपी शर्मा ओली नेतृत्वको सरकारमा सहभागी हुने निर्णय गरेको छ । पार्टी मुख्यालय सानेपामा बसेको केन्द्रीय कार्यसम्पादन समितिको बैठकले ओली नेतृत्वको सरकारमा सहभागी हुने निर्णय गरेको हो ।
कांग्रेस प्रवक्ता डा. प्रकाशशरण महतले पार्टीबाट सरकारमा जाने मन्त्रीहरुले एकै पटक शपथ लिने बताए ।
यस्तै बैठकले मन्त्रीहरु छनोट गर्नका लागि मापदण्ड बनाएको छ । योगदान र योग्यता, समावेशीता र प्रादेशिक सन्तुलन मिलाएर मन्त्री छनोट गरिने प्रवक्ता डा. महतले जानकारी दिए ।
