एजेन्सी : चीनको एक १४ तले सपिङ सेन्टरमा आगलागी हुँदा कम्तीमा १६ जनाको मृत्यु भएको छ ।
चीनको सिन्हुआन प्रान्तको जिगोङ शहरमा रहेको सपिङ सेन्टरमा आगलागी हुँदा १६ जनाको मृत्यु भएको चिनियाँ प्रहरीले जानकारी दिएको छ ।
रिपोर्टका अनुसार बुधबार साँझ लागेको आगलागीमा फसेका ३० जनाको उद्धार गरिएको छ । घटनास्थलमा राति नै राहत तथा उद्धार कार्य सम्पन्न भएको छ ।
हाल आगलागीको कारण खुल्न नसकेको तर प्रारम्भिक अनुसन्धानका अनुसार भवनमा निर्माणाधीन कामका कारण आगलागी भएको हो ।
चीनको सरकारी मिडिया र सामाजिक सञ्जालमा उपलब्ध भिडियोमा यस भवनको चारैतिर कालो धुवाँ देखिएको छ ।
