काठमाडौँ : जनमत पार्टीले मधेश प्रदेशको मुख्यमन्त्रीमा सतीशकुमार सिंहलाई उठाउने भएको छ । प्रदेश प्रमुख सुमित्रा सुवेदी भण्डारीसमक्ष सरकार बनाउन आजै दावी प्रस्तुत गर्ने गठबन्धन दलहरूले तयारी गरेका छन् ।
जनमत पार्टीका अध्यक्ष सीके राउतको निर्वाचन क्षेत्र सप्तरी-२ को १ बाट सिंह प्रदेश सांसदमा निर्वाचित भएका थिए । सप्तरीको तिलाठी कोइलाडी नगरपालिकाका प्रमुख समेत भइसकेका सिंहलाई मुख्यमन्त्री बनाउन राउतले सत्ता गठबन्धन दललाई सन्देश दिइसकेका छन् ।
जनमत पार्टीले मुख्यमन्त्री सिंहसँगै प्रदेशका समानुपातिक सांसद रञ्जुकुमारी मण्डल खंगलाई राज्यमन्त्री बनाउने तयारी गरेको छ ।
