काठमाडौँ : नेकपा (माओवादी केन्द्र)का प्रवक्ता अग्निप्रसाद सापकोटाले गठबन्धन दलहरू भित्रको विवादले सरकारलाई असर नगर्ने बताएका छन् । सत्ता घटक दलहरूभित्र केही समस्या भएपनि सरकार सुरक्षित रहेको सापकोटाले स्पष्ट पारे ।
मन्त्री फिर्ता बोलाउने विषयमा प्रधानमन्त्रीले गठबन्धन दलहरूसँग कुराकानी गरिरहेको भन्दै उनले नागरिक उन्मुक्ति पार्टी (नाउपा) र जनमत पार्टीलाई समेत छिट्टै सरकारमा ल्याउने बताए ।
मओवादीबाट कसलाई फिर्ता बोलाउने वा नबोलाउने विषयमा पार्टीभित्र औपचारिक छलफल नभएको सापकोटाले जानकारी दिए ।
