काठमाडौँ : प्रधानमन्त्री केपी ओलीले मन्त्रिपरिषद्को आकस्मिक बैठक बोलाएका छन् ।
बुधबार बिहान सौर्य एयरलाइन्सको जहाज पोखरा जाने क्रममा भएको दुर्घटनाबारे सम्पूर्ण जानकारी तथा छानबिन प्रक्रियाका लागि ५ बजे बैठक बोलाएका हुन् ।
दुर्घटना पछिको तीव्र उद्धार, राहतलगायत विभिन्न विषयमा निर्णय हुने प्रधानमन्त्रीको सचिवालयले जनाएको छ ।
आज बिहान काठमाडौँबाट पोखरा जान लागेको सौर्य एयरलाइन्सको जहाज दुर्घटनामा परेको थियो ।
चालक दलका सदस्यसहित १९ जना यात्रु रहेको सौर्य एयरको विमान उड्ने क्रममा विमानस्थलको धावनमार्गमा चिप्लिएर दुर्घटनामा परेको हो ।
