डाेल्पा : डाेल्पाकाे त्रिपुरासुन्दरी नगरपालिकाले स्वस्थ्य चाैकी र आधारभूत स्वास्थ्य केन्द्रहरूमा अनुगमन गरेको छ।
बुधबार नगरपालिकाकी उपप्रमुख देवी घर्तीकाे नेतृत्वमा पालिकाका ९, १०, ११ वडाभित्रका तीन वटा स्वास्थ्य संस्थामा अनुगमन गरिएको स्वास्थ्य शाखा प्रमुख थानेश्वर पनेरुले जानकारी दिए ।
पालिकाले वडा नं ९ मा रहेको, चुँ आधारभूत स्वस्थ्य सेवा केन्द्र, वडा नं. १० मा रहेको लिकु स्वास्थ्य चाैकी र वडा नं. ११ मा रहेको मुँहु आधारभूत स्वास्थ्य सेवा केन्द्रमा अनुगमन गरी आवश्यक सल्लाह सुझाव संकलन गरेकाे नगरपालिकाका जनस्वास्थ्य निरीक्षक तुलबहादुर नेवारले जानकारी दिए ।
अनुगमनका क्रममा उक्त स्वास्थ्य संस्थाहरूमा औषधीको अभाव नभएको र औषधी अभाव भएको खण्डमा सेवाग्राहीलाई प्रभाव नपर्ने गरी समयमै औषधीकाे माग फारम भरी नगरपालिकामा पेस गर्न निर्देशन दिएकाे शाखा प्रमुख पनेरुले बताए ।
डाेल्पामा चिसाे बढेसँगै सर्वसाधारण जनताको स्वास्थ्यलाई मध्यनजर गर्दै बिरामी पनि बढ्न सक्ने भएकाे हुँदा नगरपालिकाभित्र रहेका स्वास्थ्य संस्थाहरूमा सेवा प्रवाह, औषधीकाे अवस्था, स्वस्थ्य संस्थाका भाैतिक संरचना र स्वस्थ्यकर्मीकाे अवस्थाबारे अनुगमन गरिएकाे उपप्रमुख घर्तीले बताइन् ।
अनुगमनको क्रममा स्वास्थ्य जस्तो संवेदनशील क्षेत्रमा लापरबाही नगर्न स्वास्थ्य संस्थामा कार्यरत स्वास्थ्यकर्मीहरू सुझाव समेत दिइएको छ ।
हिउँद सिजनको सुरुवातसँगै डोल्पामा चिसो बढिरहेको कारणले पालिकाले अन्य वडाहरूमा रहेका स्वास्थ्य संस्थाहरूमा समेत निरन्तर अनुगमन गर्ने जानकारी दिएको छ ।
.jpg)
