काठमाडौंः मोरङको उखुबारी भित्र दुई वटा शव फेला परेको छ । माेरङकाे धनपालथान गाउँपालिका ७ स्थित उखुबारी भित्र खाल्डाे खनेर गाडेको अवस्थामा दुई वटा शव फेला परेको जिल्ला प्रहरी कार्यालय मोरङका एसपी जनार्दन बिसिले जानकारी दिए ।
'उखु काट्ने क्रममा नयाँ माटो देखेर शंका लागेर खन्दा शव भेटिएको हो,' एसपी बिसिले भने।
एसपी बिसिले दिएको जानकारी अनुसार दुई वटै शव पुरुषको भएको खुलेको छ । करिब दुई बिघामा लगाइएको उखुबारीको बिच भागमा करिब ५ फिट गहिरो खाल्डाे खनेर गाडिएको अवस्थामा शव भेटिएको हो । एउटा शव भेटिएको स्थानबाट करिब ३० मिटरको दुरीमा अर्को शव गाडिएको अवस्थामा भेटिएको हो।
'शवको प्रकृति हेर्दा एक महिना अगाडी नै गाडिएको हुनसक्ने अनुमान गरिएकाे छ । थप बिबरण पोस्टमार्टमपछि खुल्ने एसपी बिसीले बताए ।
घटनाको थप अनुसन्धान गर्न प्रहरीले संघीय प्रहरी इकाई कार्यालय धरानबाट तालिम प्राप्त कुकुर समेत झिकाएकाे छ । घटनास्थलमा अहिले अनुसन्धान भइरहेको छ ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies