काठमाडौं : सत्तारुढ नेपाली कांग्रेसको केन्द्रीय समिति बैठक आज भर्चुअल रुपमा बस्दैछ । कांग्रेस सभापति शेरबहादुर देउवाले स्थानीय निर्वाचन, राष्ट्रिय सभा निर्वाचन समीक्षाका लागि बैठक बोलाएका हुन् ।
दिउसो हुने बैठकमा केन्द्रीय कार्यसम्पादन समिति गठनका विषयमा पनि छलफल हुनेछ । स्थानीय तहको निर्वाचनबारे सभापति देउवाले पार्टीमा छलफल नगरेको भन्दै आलोचना भइरहँदा सभापति देउवाले केन्द्रीय कार्यसमितिको बैठक बोलाएका हुन् ।
बैठकको एजेन्डा केन्द्रीय कार्यसम्पादन समिति गठनसमेत रहेको छ । पछिल्लो समय पार्टीका शीर्ष नेताहरुले नै सभापति देउवालाई केन्द्रीय कार्यसम्पादन समिति गठनका लागि दबाब दिन थालेका छन् ।
बिहीबार मात्रै उपसभापति पूर्णबहादुर खड्का तथा महामन्त्रीद्वय गगन थापा र विश्वप्रकाश शर्माले सभापति देउवालाई भेटेर सो समिति गठन गर्न सुझाव दिएका थिए । कोरोना संक्रमणको जोखिम बढेकाले बैठक भर्चुअल रुपमा बोलाइएको छ ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies