उदयपुर : उदयपुरमा मालवाहक ट्रक दुर्घटना हुँदा दुई जनाको मृत्यु भएको छ ।
मदन भण्डारी राजमार्गअन्तर्गत नेपालटार–गाईघाट सडकखण्डको उदयपुरगढी गाउँपालिका –७ अधेँरीमा आइतबार मालवाहक ट्रक दुर्घटना हुँदा दुई जनाको मृत्यु भएको हो ।
बाग्मती प्रदेश ०६-०१ ख ०५०५ नम्बरको ट्रक अनियन्त्रित भई दुर्घटना भएको जिल्ला प्रहरी कार्यालय उदयपुरका प्रमुख तथा सूचना अधिकारी प्रहरी नायव उपरीक्षक केदारमान दोङले जानकारी दिए ।
उनलेअत्याधिकमात्रामा दुर्घटना हुने उक्त स्थानमा फेरि अर्को दुर्घटना भएको जनाए । सो ठाउँलाई ट्राफिक प्रहरीले ब्ल्याक स्पट नामाकरण गरी सतर्करुपमा सवारी चलाउन सूचित गर्ने गरेको छ ।
प्रहरीको अनुसार ट्रक अनुमानित ५० मिटर तल झरेको थियो । गम्भीर घाइते चालक तथा सहचालकको जिल्ला अस्पताल उदयपुर उपचारका लागि ल्याउने क्रममा मृत्यु भएको प्रहरीको भनाइ छ ।
.jpg)
