.jpeg)
काठमाडौँ : नेपाल कम्युनिष्ट पार्टी (एमाले) ले आफ्नो संसदीय दलको बैठक आह्वान गरेको छ ।
पार्टी सचिवालयको मंगलबार बसेको बैठकले बुधबार दिउँसो ३ बजेका लागि उक्त बैठक बोलाउने निर्णय गरेको जानकारी सचिव महेश बस्नेतले दिएका छन् ।
उनका अनुसार बैठक पार्टी केन्द्रीय कार्यालय, च्यासलमै आयोजना हुनेछ । सचिवालय बैठकले पार्टी अध्यक्ष केपी शर्मा ओलीको पक्राउप्रति विरोध जनाउँदै अन्य राजनीतिक दलहरूसँग पनि छलफल र सहकार्य अघि बढाउने निर्णय गरेको छ ।
यस कार्यका लागि उपाध्यक्ष रामबहादुर थापा र सचिव पद्मा अर्याल लाई जिम्मेवारी तोकिएको बस्नेतले जानकारी दिएका छन् । यसअघि एमालेले ओलीको रिहाइको मागसहित देशव्यापी विरोध कार्यक्रमसमेत घोषणा गरिसकेको छ ।
.jpg)
