काठमाडौँ : प्रतिनिधि सभाको आजको बैठकमा प्रतिपक्षी दल नेकपा एमालेले अध्यक्ष केपी शर्मा ओली र नेपाली कांग्रेसका नेता रमेश लेखकलाई पक्राउ गरिएकोप्रति आपत्ति जनाएको छ ।
एमाले सांसद गुरु बरालले बैठकमा विरोध जनाउँदै आफ्नो धारणा राख्न उठेका थिए । सो क्रममा सांसद बरालले संविधान विपरीत ओली र लेखकलाई पक्राउ गरिएको भन्दै तत्काल रिहा गर्न माग गरे ।
नेकपा एमालेका अध्यक्ष केपी शर्मा ओली र नेपाली कांग्रेसका नेता रमेश लेखकलाई मुलुकी कार्यविधिको दफा १८१ र १८२ को गलत ढंगले प्रयोग गरेर बन्दी बनाइएको उनले बताए । ‘यो गम्भीर आपत्तिको विषय हो । यस विषयलाई लिएर देशव्यापी विरोध प्रदर्शन भइरहेको छ ।
सरकारले अहिले निर्मम दमन गरिरहेको छ,’ उनले भने । ‘आजै पूर्व प्रधानमन्त्री केपी शर्मा ओली र पूर्व गृहमन्त्री रमेश लेखकको रिहाइको माग गर्दछौँ,’ उनले भने ।
.jpg)
