काठमाडौँ : गृहमन्त्री सुधन गुरुङले काठमाडौँ मेडिकल कलेजमा पुगेर जेनजी आन्दोलनका घाइतेहरूको स्वास्थ्य अवस्थाबारे जानकारी लिएका छन् ।
पूर्वसांसद एवं कांग्रेसका नेतासमेत रहेका अस्पतालका सञ्चालक डा. सुनिल शर्माले घाइतेहरूलाई निःशुल्क उपचार सेवा दिँदै आएको बताएका थिए । सो क्रममा अधिकांश घाइतेहरूको नि:शुल्क उपचार गरेको भन्दै डा.शर्मालाई गृहमन्त्री गुरुङले धन्यवाद दिए ।
गएराति त्रिभुवन विमानस्थलको निरीक्षणपश्चात् गृहमन्त्री गुरुङ केएमसी अस्पताल पुगेका थिए । डा.सुनिल शर्मालाई भेटेर उनले घाइतेहरूको अवस्था बुझेका थिए ।
अधिकांश घाइतेहरू डिस्चार्ज भइसकेका छन् भने केही घाइतेहरू अझै होसमा नआएकाले अस्पतालमै राखेर नि:शुल्क उपचार भइरहेको डा.शर्माले बताए ।
.jpg)
