सुर्खेत : कर्णाली प्रदेशका मुख्यमन्त्री यामलाल कँडेलले विश्वासको मत पाएका छन् ।
सोमबार बसेको प्रदेशसभा बैठकमा मुख्यमन्त्री कँडेललाई एमालेका ९, कांग्रेसका १३ र १ स्वतन्त्र सांसद गरी २३ सांसदले विश्वासको मत दिएका छन् ।
संविधानको धारा १८८ (२) अनुसार मुख्यमन्त्री कँडेलले सोमबार विश्वासको मत लिएका हुन् । विश्वासको मतका लागि मुख्यमन्त्रीले राखेको प्रस्तावको पक्षमा २३ जना सांसदले मत दिए । प्रस्तावको विपक्षमा १४ सांसदले मतदान गरेका छन् ।
केन्द्रमा सत्ता समीकरण बदलिएसँगै मुख्यमन्त्री कँडेलले दोस्रो पटक विश्वासको मत लिएका हुन् ।
.jpg)
