काठमाडौँ : संघीय संसद्को दुई समितिमा आज सभापति चयन हुने भएको छ । यसअघि नै दुई समितिको सभापतिका लागि उम्मेदवारी दर्ता भइसकेको छ ।
संसदीय सुनुवाइ समिति र राज्यका निर्देशक सिद्धान्त, नीति र दायित्वको कार्यान्वयन, अनुगमन तथा मूल्यांकन समितिको सभापति आज चयन गर्न लागिएको हो ।
संसदीय सुनुवाइ समितिमा कांग्रेसकी ईश्वरीदेवी न्यौपाने र राज्यका निर्देशक सिद्धान्त, नीति र दायित्वको कार्यान्वयन, अनुगमन तथा मूलयांकन समितिमा एमालेका ठाकुर गैरेले उम्मेदवारी दर्ता गराएका छन् ।
दुवै समितिको सभापतिका लागि एकल उम्मेदवारी परेकोले उनीहरु आजै निर्वाचित हुनेछन् । दुवै समितिको बैठक आज दिउँसो तीन बजे बस्दैछ ।
.jpg)
