काठमाडौँ : नेपाली कांग्रेसको केन्द्रीय कार्यसम्पादन समितिको बैठक एक दिन पछाडि सरेको छ । शनिबारका लागि तय गरिएको बैठक अब आइतबार दिउँसो १ बजे पार्टीको केन्द्रीय कार्यालय सानेपामा बस्ने भएको हो ।
कार्यवाहक मुख्य सचिव कृष्णप्रसाद दुलालले बैठकको मिति परिवर्तन गरिएको जानकारी दिएका छन् । उनका अनुसार बैठकमा केन्द्रीय कार्यसमितिका पदाधिकारी तथा सदस्यहरूलाई अनिवार्य उपस्थितिका लागि अनुरोध गरिएको छ ।
बैठकमा पार्टीको १५औँ महाधिवेशनको तयारी तथा रसुवामा आएको बाढीपछि उत्पन्न परिस्थितिबारे छलफल हुने एजेन्डा तय गरिएको छ ।
पूर्वसभापति शेरबहादुर देउवा पक्षले आगामी मंसिरमा छुट्टै महाधिवेशन आयोजना गर्ने निर्णय गरेपछि कांग्रेसभित्र महाधिवेशनको विषय थप पेचिलो बनेको छ । यही पृष्ठभूमिमा केन्द्रीय कार्यसम्पादन समितिको बैठक बोलाइएको हो ।
.jpg)
.webp)
.jpg)
