काठमाडौँ । अन्तर्राष्ट्रिय कानुनको रक्षा, मानवअधिकार संरक्षण तथा विश्व शान्ति प्रवर्द्धनमा योगदान पुर्‍याएको भन्दै नवी पिल्लेलाई सन् २०२६ को नोबेल शान्ति पुरस्कार प्रदान गरिएको गरिएको छ ।

दक्षिण अफ्रिकी मूलकी पिल्ले मानवअधिकार र अन्तर्राष्ट्रिय न्यायका क्षेत्रमा लामो समयदेखि सक्रिय व्यक्तित्व हुन् । उनले संयुक्त राष्ट्रसंघमा मानवअधिकारसम्बन्धी उच्चस्तरीय जिम्मेवारी सम्हाल्नुका साथै अन्तर्राष्ट्रिय फौजदारी न्याय र मानवअधिकार संरक्षणका क्षेत्रमा महत्त्वपूर्ण भूमिका निर्वाह गरेकी छन् ।

पिल्लेले अन्तर्राष्ट्रिय कानुनको प्रभावकारी कार्यान्वयन, द्वन्द्वका क्रममा भएका गम्भीर अपराधमा संलग्न व्यक्तिलाई जवाफदेही बनाउने तथा मानवअधिकारको संरक्षण गर्ने प्रयासमा योगदान पुर्‍याएकी छन् ।

अन्तर्राष्ट्रिय न्याय र कानुनी शासनलाई सुदृढ बनाउने उनको प्रयासलाई शान्ति स्थापनाका लागि महत्त्वपूर्ण मानिएको छ । द्वन्द्वको अवस्थामा समेत मानवअधिकारको सम्मान र न्याय सुनिश्चित गर्नुपर्ने विषयमा उनले निरन्तर आवाज उठाउँदै आएकी छन् ।

नोबेल शान्ति पुरस्कार विश्वभर शान्ति स्थापना, अन्तर्राष्ट्रिय सहकार्य, मानवअधिकार संरक्षण तथा द्वन्द्व समाधानमा उल्लेखनीय योगदान पुर्‍याउने व्यक्ति वा संस्थालाई प्रदान गरिँदै आएको प्रतिष्ठित अन्तर्राष्ट्रिय पुरस्कार हो।