काठमाडौं– बुधबार सुनको मूल्य तोलामा आठ सय रुपैयाँले बढेको छ । नेपाल सुनचाँदी व्यवसायी महासंघका अनुसार मंगलबार प्रतितोला एक लाख ५२ हजार दुई सय रुपैयाँमा कारोबार भएको छापावाल सुनको मूल्य आज आठ सय रुपैयाँले बढेर तोलामा एक लाख ५३ हजार रुपैयाँ कायम भएको हो ।
यस्तै आज चाँदीको मूल्य पनि बढेको छ । मंगलबार तोलामा एक हजार आठ सय २० रुपैयाँमा कारोबार भएको चाँदी आज १५ रुपैयाँले बढेर एक हजार आठ सय ३५ रुपैयाँमा कारोबार भइरहेको छ ।
