काठमाडौं– मंगलबार नेप्से परिसूचकमा पहिरो गएको छ । आज शेयर बजार १११.९६ को भारी अंकले ओरालो लागेर २,७८२ को विन्दुमा पुगी बन्द भएको छ । आज २० कम्पनीको मात्रै शेयर मूल्य बढेको छ भने एक सय २२३ कम्पनीको शेयर मूल्य घटेको छ । एक कम्पनीकोशेयर मूल्य स्थिर छ ।
यस्तै, बजार घट्दा पनि तीन कम्पनीको शेयर मूल्य भने १० प्रतिशतका दरले बढेको छ । आज विन तारागाँउ रेजेन्सी होटेल, आत्मनिर्भर लघुवित्तको र डोल्टी पावर कम्पनीको शेयर मूल्य १० तशतका दरले बढेको हो ।
यसैगरी आज कारोबार समय भरिमा ३३० कम्पनीको चार करोड ३८ लाख ६८ हजार ९७० कित्ता शेयर किनबेच हुँदा १८ अर्ब ६४ करोड माथिको शेयर कारोबार भएको छ । आज सबैभन्दा धेरै हिमालयन रिइन्स्योरेन्स कम्पनीको शेयर कारोबार भएको छ । आज यस कम्पनीको ६५ करोड ४२ लाख रुपैयाँको शेयर कारोबार भएको छ ।
