काठमाडौं : नबिल बैंकले नाडा अटो शो २०२४ लक्षित गर्दै अटो लोन फाइनान्सिङका लागि विशेष योजना सार्वजनिक गरेको छ ।
भदौ ११ गतेदेखि भदौ १७ गतेसम्म काठमाडौंको भृकुटीमण्डपमा शुरु भएको अटो मोबाइलको कुम्भमेलाका रुपमा लिइने नाडा अटो शोलाई केन्द्रित गरेर यो योजना ल्याइएको हो। यस योजनाअन्तर्गत, नबिल बैंकले ५ वर्षका लागि ८.२५ प्रतिशत र ७ वर्षका लागि ८.४९ प्रतिशत स्थिर ब्याजदरको आकर्षक प्रस्ताव ल्याएको छ ।
यसले अटो मोबाइल खरिद गर्न चाहने ग्राहकहरुलाई दीर्घकालसम्म सुलभ र स्थिर वित्तीय सहायता उपलब्ध गराउन मद्दत पुर्याउने विश्वास गरिएको छ । ग्राहकहरुको सुविधाका लागि नबिल बैंकले नाडा शोका क्रममा स्टल नम्बर इ–१९ मा छुट्टै सेवा केन्द्र राखेको छ ।
शोमा सहभागी हुने ग्राहकहरुले गाडी छनोट गरी कर्जाको लागि अफर लेटर तुरुन्तै उपलब्ध हुनेछ । यसका अतिरिक्त, नबिल बैंकले आफ्नाग्राहकहरुलाई आकर्षित गर्न अन्य विभिन्न अफरहरु पनि प्रस्तुत गरेको छ ।
