काठमाडौं : नेपाल समाजवादी पार्टी (नेसपा)को महिन्द्र राय यादव-गंगानारायण श्रेष्ठ पक्षले पार्टीमा केन्द्रीय सदस्य थप गरेको छ ।हालै बसेको केन्द्रीय कार्यकारिणी समितिको बैठकले सदस्य थप गरेको हो ।
बैठकले रामकैलाश यादव, माहम्मद इजरायल, सुरदबहादुर स्याङतान, होमकुमारी दोङ, सोमबहादुर थिङ, राजु थापा, ढाकाराम गौतम, सुरेन्द्र पटेल, टेकबहादुर बाठा मगर, महेन्द्रबहादुर शाही र शिव सुन्दर शाहीलाई कार्यकारिणी सदस्य बनाइएको छ ।
अध्यक्ष डा. बाबुराम भट्टराई पक्षसँग अलग भएर यादव पक्षले अलगै पार्टीको अभ्यास गर्दै आइरहेको छ। तर, संस्थापन पक्षले यसअघि नै यादवसहितका नेताहरूलाई हटाइसकेको छ ।
