काठमाडौंः बुधबार नेप्से परिसूचक भारी अंकले घटेको छ । आज शेयर बजार ९०.७३ अंकले घटेर २,७३९ को विन्दुमा कायम भएको छ । आज जम्मा ३१ कम्पनीको शेयर मूल्य बढेको छ भने २१३ कम्पनीको शेयर मूल्य घटेको छ ।
बजार घट्दा पनि चार कम्पनीको शेयर मूल्य भने १०प्रतिशतका दरले बढेको छ । आज एक्सेल डेभलपमेन्ट बैंक, विन नेपाल लघुवित्त, सामुदायिक लघुवित्त र समाज लघुवित्त वित्तीय संस्थाको शेयर मूल्य १० प्रतिशतले बढेको हो ।
यस्तै आज कारोबार समय भरिमा ३२० कम्पनीको २ करोड ६५ लाख ८४ हजार १९२ कित्ता शेयर किनबेच हुँदा मात्रै १२ अर्ब ९२ करोड ५६ लाख रुपैयाँको शेयर कारोबार भएको छ ।
आज सबैभन्दा धेरै नेपाल फाइनान्सको शेयर कारोबार भएको छ । आज यस कम्पनीको ३० करोड ५२ लाख रुपैयाँको शेयर कारोबार भएको छ । साथै एक्सेल डेभलपमेन्ट बैंकको ३० करोड १५ लाखको शेयर कारोबार भएको छ ।
