काठमाडौं : स्मार्टचोइस टेक्नोलोजिज (एससीटी)ले हरितालिका तिज, दशैं तथा दीपावली पर्वलाई लक्षित गरेर ‘तिर्की दाउ’ अफर सार्वजनिक गरेको छ ।
अफर अन्तर्गत ‘एससीटी–यूपीआई’ डेबिट कार्ड प्रयोगकर्ताले कुनै पनि खरिदमा ‘पीओएस’ मार्फत विद्युतीय कारोबार गर्दा ७७७ रुपैयाँसम्मको क्यासब्याक पाउने भएका छन् ।
‘एससीटी–यूपीआई’ डेबिट कार्ड नभएका ग्राहकले कार्ड जारी गर्न एससीटीसँग आबद्ध बैंक तथा वित्तीय संस्थाहरूबाट प्राप्त गर्न सकिने कम्पनीले जनाएको छ ।
ग्राहकले यस अवधिमा ६ महिनादेखि प्रयोगमा नल्याएको ‘एससीटी–यूपीआई’ डेबिट कार्ड प्रयोग गरेमा १११ को क्यासब्याक र सबै प्रयोगकर्ताले तीन वा सोभन्दा धेरैपटक कारोबार गर्दा ३३३ रुपैयाँ क्यासब्याक प्राप्त गर्न सक्ने कम्पनीले जनाएको छ ।
साथै सात वा सोभन्दा धेरै कारोबार गर्दा ७७७ रुपैयाँ क्यासब्याक पाउन सक्नेछन् । हरेक कारोबारको रकम ५०० वा सोभन्दा धेरै हुनुपर्नेछ र एउटै टर्मिनलबाट दिनको एक पटकको कारोबार मात्र अफरका लागि मान्य हुने कम्पनीले जनाएको छ ।
भारतमा पनि नेपाली रुपैयाँ २ हजार ५०० वा सोभन्दा धेरैको कारोबार गरेको खण्डमा नेपाली रुपैयाँ २५० को क्यासब्याक प्राप्त गर्न सक्नेछन् । यो अफर १ सेप्टेम्बरदेखि ३१ अक्टोबरसम्म लागू हुने कम्पनीले जानकारी दिएको छ ।
