विराटनगर : कोशी प्रदेशमा मन्त्रिपरिषद् विस्तार भएको छ । लामो समयको प्रतीक्षापछि कोशी प्रदेश सरकारमा नेपाली कांग्रेस सहभागी भएसँगै मन्त्रिपरिषद् विस्तार भएको हो ।
सरकार विस्तार भएसँगै नयाँ मन्त्रीहरूले पद तथा गोपनीयताको शपथ लिएका छन् ।
प्रदेश महामन्त्रीसमेत रहेका प्रदेश सभा सदस्य भुपेन्द्र राईको नेतृत्वमा कांग्रेस सरकारमा सहभागी भएको हो । राई भौतिक पूर्वाधार मन्त्री बनेका छन् । भूमि राजवंशी भौतिक पूर्वाधार राज्यमन्त्री बनेका छन् ।
यसैगरी खगेनसिंह हाङ्गाम उद्योग कृषि तथा सहकारी मन्त्री र सदानन्द मण्डल पर्यटन, वन, वातावरण मन्त्री बनेका छन् ।
