काठमाडौं : सभामुख देवराज घिमिरेसहित दलका प्रमुख सचेतकहरूको बैठक शुरु भएको छ । सिंहदरबारस्थित सभामुखको कार्यकक्षमा बैठक शुरु भएको हो ।
नेकपा (माओवादी केन्द्र)ले आजको सदन अवरुद्ध गर्ने चेतावनी दिएपछि सभामुखले प्रमुख दलका प्रमुख सचेतकहरूको बैठक बोलाएका हुन् ।
यही भदौ १२ गतेको प्रतिनिधिसभा बैठकमा एमालेका सांसद योगेश भट्टराईले प्रयोग गरेको ‘हिंसा’ शब्दप्रति विमति जनाउँदै माओवादी केन्द्रका सांसदहरुले उक्त शब्द संसद्को अभिलेखबाट हटाउन माग गरेका थिए । यद्यपि सभामुखले यही भदौ २६ गतेको बैठकमा हिंसा शब्द अभिलेखबाट नहटाउने बताएपछि माओवादी सांसदहरुले संसद्मा अवरोध गरे ।
उक्त पार्टीका सांसदले आजको बैठकमा पनि अवरोध गर्ने घोषणा सार्वजनिक गरेपछि निकासका निम्ति सभामुखले बैठक बोलाएका हुन् ।
.jpg)
