काठमाडौं : राष्ट्रिय स्वतन्त्र पार्टी (रास्वपा) ले काठमाडौं उपत्यकामा रहेका आफ्ना नेता-कार्यकर्तालाई पार्टी केन्द्रीय कार्यालय वनस्थली आउन निर्देशन दिएको छ ।
आइतबार बागमती प्रदेश समितिका सभापति अच्युतम लामिछानेले ह्वाट्सएपमा सन्देश पठाउँदै पार्टी केन्द्रीय कार्यालय आउन निर्देशन दिएका हुन् ।
पार्टी सभापति रवि लामिछानेलाई पक्राउ गर्ने चर्चासँगै नेता-कार्यकर्तालाई पार्टी केन्द्रीय कार्यालय वनस्थली आउन निर्देशन दिइएको हो ।
सभापति लामिछाने पार्टी कार्यालयभित्रै छन् भने पार्टीका नेता कार्यकर्ताहरु धमाधम प्रवेश गरिरहेका छन् ।
