रुकुम पश्चिम : रुकुम पश्चिमको बाँफिकोट गाउँपालिका वडा नं ३ स्यानीदह निवासी चिन्ताराम केसीको परिवारलाई अमेरिकाबाट सहयोग प्राप्त भएको छ ।

चिन्तारामको मलेसियामा भदौ ४ गते मृत्यु भएको थियो । चिन्तारामको मृत्युपछि आम्दानीको स्रोत नै बन्द भएका कारण उनको परिवारको आर्थिक अवस्था निकै कमजोर रहेको छ ।

सोही अवस्थालाई मध्यनजर गर्दै स्यानीदह घर भएर हाल अमेरिकामा बस्ने अभिराज ओली र धर्मराज ओलीले आर्थिक सहयोग अभियान सञ्चालन गरेका थिए । 

आर्थिक अभियानबाट ११ लाख ८ हजार ८ सय ५५ रुपैयाँ उठाएर मृतक चिन्तारामकी श्रीमती विमला केसी र आमा बुबालाई हस्तान्तरण गरिएको छ । सहयोग हस्तान्तरण कार्यक्रमको नेकपा माओवादी केन्द्र बाँफिकोटका अध्यक्ष चन्द्रबहादुर केसिले सहजीकरण गरेका थिए । 

रकम हस्तान्तरण कार्यक्रममा वडा नं ३ का अध्यक्ष तिलवीर केसी, नेकपा माओवादी केन्द्र वडा नं ३ का अध्यक्ष लालबहादुर ओली, नेकपा माओवादी केन्द्रका नेता बेगम देवकोटालगायतको सहभागिता रहेको थियो ।