काठमाडौं : गायक चन्दन शंकरको ‘चुपचाप’ बजारमा सार्वजनिक भएको छ । गायक शंकरकै शब्द रचना र संगीतमा प्रेमभावको यो गीत तयार भएको हो । उनको यो दोस्रो गीत हालै सार्वजनिक भएको हो । शंकरको पहिलो गीत ‘जिन्दगी मेरो केबल तिमी’ यसअघि सार्वजनिक भएको हो । चुपचापलाई फणिन्द्र राईले एरेन्ज गरेका छन् ।
प्रेमी प्रेमिकाबीच कुनै कुरामा असमझदारीपछि एकले अर्कोलाई फकाउन गरेको प्रयास गीतले व्यक्त गरेको छ । सेमी क्लासिकल शैलीको यो गीतको भिडियोमा चन्दन स्वयं फिचर्ड छन् ।
चुपचाप छौ किन केही त बोल न
चुपचाप छौ किन केही नजिक बसिदेऊ न
रिसाएकी छौ किन
एकचोटी हाँसी देऊ न
गीत संगित क्षेत्रमा पारिबारीक बातावरण पाएका शंकर विद्यालय शिक्षापछि काठमाडौं छिरे, समयको लहडसँगै वैदेशिक रोजगारीमा समेत बिताए । तर पनि उनको गीत संगीत तर्फको रुची बुझाई र लगावलाई निरन्तरता दिए फलस्वरुप ‘चुपचाप’ बजारमा आएको छ । आफूले अन्य गीतको पनि तयारी गरिरहेको र संगीत क्षेत्रलाई निरन्तरता दिंदै अघि बढ्ने लक्ष रहेको उनी बताउँछन् ।
‘चुपचाप’लाई ‘चन्दन शंकर‘ युट्युब च्यानलमार्फत रिलिज गरिएको छ ।
