काठमाडौं : लायन्स क्लब अफ काठमाडौं सिद्धार्थ गौतम बुद्धका संस्थापक अध्यक्ष तथा क्याबिनेटका क्लस्टर कोचिफ लायन नारायण रेम्मी इन्टरनेशनल प्रेसिडेन्ट्स अवार्ड (आईपीए) मेडलबाट सम्मानित भएका छन् ।
समाजसेवी रेग्मीको इमान्दारिता, लगनसशिलता र सक्रियतालाई देखेर लायन्स अन्तर्राष्ट्रियले यस वर्ष पनि उनलाई आईपीए मेडलबाट सम्मान गरेको हो । लायन्स क्लब इन्टरनेसनल डिस्ट्रिक ३२५ आई का प्रभावशाली डिस्ट्रिक गभर्नर लायन विनोद ढुंगानाले डिस्ट्रिकको तेस्रो क्याबिनेट बैठक पर्वत जिल्लाको कुश्मामा घोषणा तथा वितरण गरेका थिए ।
समाज सेवामा समर्पित लायन रेग्मीलाई जोन चेयरपर्सन हुँदा लायन वर्ष २०२३/२४ का तत्कालीन चर्चित गभर्नर लायन चन्द्र कुमार केसीले पनि सोही मेडलबाट सम्मान गरेका थिए ।
'यस्ता मेडलबाट बिरलै व्यक्ति सम्मानित हुन्छन्, तर हाम्रो क्लबले यस्ता रेकर्डहरु प्राप्त गर्न सम्भव भएका छौं,' वर्तमान अध्यक्ष लायन मधुसुधन पराजुलीले बताए । लायन पराजुली यस वर्षका 'लायन्स खुसीयाली बाँडौं' अभियानका प्रवर्तक हुन् ।
