अर्घाखाँची : सन्धिखर्क नगरपालिका वडा नम्बर २ की सकुन्ताला मुखियाले उपचारका लागि सहयोगको अपिल गरेकी छन् । ५१ वर्षीया मुखियाको अहिले अर्घाखाँची अस्पतालमा उपचार भइरहेको छ । 

अर्घाखाँचीमा निःशुल्क उपचार भइरहेपनि उनलाई थप उपचारका लागि बाहिर जिल्ला पठाउनुपर्ने अवस्था रहेको अस्पतालका प्रमुख डाक्टर जगनाथ तिवारीले बताए । 

असहाय सकुन्तलाको कोही आफन्तहरु नहुँदा उपचारमा समस्या भएको र  थप उपचारका लागि बिहिरी जिल्ला पठाउनका लागि समस्या भएको  जिल्ला अस्पतालमा कार्यरत स्वास्थ्यकर्मी अशोक चौहानले बताए  । पटक–पटक आफन्त र छिमेकीहरुलाई जानकारी गराउँदा समेत कसैले वास्ता नगरेको अस्पतालले जनाएको छ । 

वडा नं २ का वडा सदस्य खिमबहादुर मुखियाका अनुसार उनको सोही ठाउँका बसन्तबहादुर कुमालसँग विवाह भएको थियो । उनको छोराछोरी छैनन् । उनको श्रीमानको चार वर्ष अगाडि मृत्यु भएको थियो ।