काठमाडौं : गण्डकी प्रदेशका सांसद फणीन्द्र देवकोटालाई प्रदेश सभा प्रवेशमा रोक लगाइएको छ । संसद भवन पुगेका देवकोटालाई लवि कक्षमा प्रवेश अघि नै मर्यादा पालकले रोकेका हुन् ।
प्रदेशसभा सदस्य देवकोटाका अनुसार बुधबार सर्वोच्च अदालतको आदेश गण्डकी प्रदेशसभा सचिचवालयमा दर्ता भइसकेको छ । सांसद देवकोटाले ‘प्रदेशसभामा सर्वोच्चको आदेश हिजो दर्ता भएपछि आज प्रदेशसभा सदस्यका रुपमा आएको बताएका छन् ।
'माननीय सभामुखलाई भेटे, मुख्यमन्त्रीलाई भेटेँ म आएको छु भन्ने जानकारी गराएँ, आजैदेखि सहभागी हुने वातावरण बनाउनुस् भनेँ, तर मलाई खबर आएन, जान खोज्दा मर्यादापालकले एक छिन रोकिनु भनेपछि पर्खिरहेको छु', उनले भने ।
ह्वीप उल्लंघन गरेको भन्दै माओवादी केन्द्रले सांसद पदबाट हटाएपछि उनले सर्वोच्च अदालतमा रिट दायर गरेका थिए । उनको रिटउपर सुनुवाइ गर्दै सर्वोच्चले सोमबार गण्डकी प्रदेश सभा सदस्यका रूपमा काम गर्न दिन अन्तरिम आदेश दिएको थियो ।
.jpg)
