काठमाडौं : नेपाली कांग्रेसले सरकारले सदनमा पेस गरेका अध्यादेशहरू स्वीकृत हुने बताएको छ ।
कांग्रेसका प्रमुख सचेतक श्याम घिमिरेले जनता समाजवादी नेपालसहितको समर्थनमा सरकारले ल्याएका अध्यादेश संसदबाट पारित हुने दाबी गरेका छन् ।
बिहीबार संसद भवनमा बसेको संसदीय दलको बैठकपछि उनले यस्तो बताएका हुन् ।
प्रतिनिधि सभा र राष्ट्रिय सभाको बिहीबारको बैठकमा अध्यादेश निर्णयार्थ पेस गर्ने तयारी छ ।
त्यसअघि जसपा नेपालका अध्यक्ष उपेन्द्र यादवले नेपाली कांग्रेसका सभापति शेरबहादुर देउवा र प्रधानमन्त्री केपी शर्मा ओलीसँग भेटेर कुराकानी गरेका थिए ।
