प्रदीप ज्ञवाली/मध्यान्ह
सैनामैना : रुपन्देहीको सैनामैना नगरपालिकामा सैनामैना प्रमियर लिगको दोस्रो संस्करण शनिबारदेखि शुरु भएको छ ।
सैनामैनाबाट क्रिकेट क्षेत्रमा दक्ष खेलाडी उत्पादन गर्ने उत्पादन गर्ने उदेश्यका साथ प्रिमियर लिगको आयोजना गरिएको हो ।
लिगको उद्घाटन गर्दै सैनामैना नगरपालिकाका नगर प्रमुख चित्रबहादुर कार्कीले अरु क्षेत्रमा जस्तै सैनामैना नगरपालिका खेलकुद क्षेत्रमा पनि उल्लेखनीय बिकास भइरहेको बताएका थिए । नगर प्रमुख कार्कीले सैनामैना नगरपालिकाका सबै वडाका युवाहरु खेलकुदप्रति निकै आर्कषित भएका कारण नगरका सबै वडाहरुमा बिभिन्न प्रकारका स्तरिय खेल मैदान निर्माण भईरहेकाको पनि बताए ।
सैनामैनामा नगरको गुरु योजना अनुसार खेलकुदको बिकास गरिने भन्दै क्रिकेट क्षेत्रमा रुची राख्ने खेलाडीहरु अझ परिस्कृत हुनका लागि यस लिग एउटा महत्वपूर्ण अवसर रहेको मेयर कार्कीले बताए ।
जिल्लामा कृकेटको तिब्र बिकास भइरहेको भन्दै खेलकुद क्षेत्रमा सैनामैनाको राम्रो भबिष्य रहेको बताउदै जिल्ला कृकेट संघका रुपन्देही अध्यक्ष प्रशान्त मल्लले खेलकुद क्षेत्रमा जिल्लामै रामा प्रतिभाहरु सैनामैना रहेको बताए ।
कार्यक्रमा सैनामैना ७ का वडा अध्यक्ष डिलाराम बेलबासेले प्रिमियर लिगले यस क्षेत्रसगै खेल मैदानको प्रचार प्रसारमा टेवा पुग्ने विश्वास व्यक्त गरे । यस्तै नगर खेलकुद बिकास समितिका संयोजक किशार रानाले लिगलाई आगामी दिनमा अझ परिस्कृत रुपमा सञ्चालन गर्न समितिले सहयोग गर्ने धारणा राखेका थिए ।
प्रिमियर लिगले सैनामैनामा रौनकता बढाएको छ । कोरोना कहरकाबीच शुरु हुन गईरहेको लिग कोरोनाका रोकथामका सम्पुर्ण मापदण्ड अपनाइ सञ्चालन गरिनेछ ।
६ टिमको सहभागिता रहेको प्रतियोगिता लिगको नियम अनुसार खेलाइनेछ । प्रतियोगिता १९ गते सम्म चल्ने छ । सम्पूर्ण खेल सैनामैना ७ लम्टैयामा रहेको निर्माणधिन खेल गौतम बुद्ध स्टेडियममा हुनेछन् ।
कार्यक्रम आयोजक समितिका अध्यक्ष कृष्ण भण्डारीको अध्यक्षता सैनामैना नगरपालिकाका नगर प्रमुख चित्र बहादुर कार्कीको प्रमुख आतिथ्यता, सैनामैना ७ का वडा अध्यक्ष डिलाराम बेलबासे, नगर खेलकुद बिकास समितिका संयोजक किशार रानाल, जिल्ला कृकेट सघका रुपन्देही अध्यक्ष प्रशान्त मल्लको बिशिष्ट आतिथ्यता एवम् संस्थाका उपाध्यक्ष कृष्ण ज्ञवालिको स्वागत तथा सन्दिप भट्टराइको सञ्चालनमा भएको थियो ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies