काठमाडौं : नेपाल प्रहरीको अतिरिक्त महानिरीक्षक (एआईजी)मा डीआईजी रामदत्त जोशीलाई सिफारिस गरिएको छ ।
सोमबार बसेको बढुवा समितिको बैठकले हाल प्रहरी नायब महानिरीक्षक रहेका जोशीलाई एआईजीमा बढुवा सिफारिस गरेको हो । गत असार १८ गते एआईजी उमेशराज जोशी ५६ वर्षे उमेर हदकाकारण अवकास भएका थिए ।
उनी अवकास हुनुअघि नै डिआईजी पोषराज पोखरेललाई असार १० गते बसेको बडुवा समितिको बैठकले डिआईजी पोखरेल बडुवा सिफारिस गरेको थियो । तर पछि मन्त्रिपरिषद बैठकले निर्णय नमानेका कारण उनी एआईजीको फुली लगाउन नपाउँदै डीआईजीबाट अवकास पाएका थिए । त्यसैले सोही रिक्त पदमा डीआइजी जोशीलाई बढुवा सिफारिस गरेको हो ।
डीआईजी जोशी कात्तिक १८ गते अवकास हुने छन् । हाल उनी त्रिभुवन अन्तर्राष्ट्रिय विमानस्थल सुरक्षा प्रहरी कार्यालयका प्रमुख छन् ।
