काठमाडौंः मंगलबार सुनको मूल्य तोलामा एक सय रुपैयाँले घटेको छ । नेपाल सुनचाँदी व्यवसायी महासंघका अनुसार सोमबार प्रतितोला रु. एक लाख ४६ हजार एक सयमा कारोबार भएको छापावाल सुन आज एक सयले घटेर प्रतितोला रु. एक लाख ४६ हजार कायम भएको छ ।
आज तेजाबी सुन पनि तोलामा एक सयले नै घटेर प्रतितोला रु. एक लाख ४५ हजार तीन सयमा कारोबार भइरहेको छ ।
यस्तै, सोमबारको तुलनामा आज चाँदीको मूल्यमा पनि गिरावट आएको छ । सोमबार तोलामा रु. एक हजार ७ सय ५० रुपैयाँ कायम भएको चाँदी मंगलबार १० रुपैयाँले घटेर प्रतितोला रु. एक हजार सात सय ४० रुपैयाँ कायम भएको महासंघले जनाएको छ ।
