काठमाडौं : लिबर्टी माइक्रो लाइफ इन्स्योरेन्सले आइपिओ ल्याउने प्रस्ताव अनुमोदन गरेको छ । कम्पनीको साउन ३१ गते सम्पन्न विशेष साधारणसभा सभाले सर्वसाधारण लक्षित आइपीओ ल्याउने विशेष प्रस्ताव पारित गरेको हो ।
आइपीओ जारीपछि प्राप्त हुने पुँजीको उपयोग गर्नेसम्बन्धी अर्को विशेष प्रस्ताव पनि सभाले स्वीकृत गरेको छ । आइपीओ जारी गर्ने सम्बन्धमा आवश्यक पर्ने कार्यहरु गर्न सञ्चालक समितिलाई अख्तियारी प्रदान गर्ने लगायतका विशेष प्रस्ताव सभाले अनुमोदन गरेको छ ।
