सोलुखुम्बु : नेपाली कांग्रेसका युवा नेता नवीन थापाले पार्टीको १५औं महाधिवेशनमा सोलुखुम्बुबाट महाधिवेशन प्रतिनिधि पदका लागि उम्मेदवारी घोषणा गरेका छन् ।
पार्टी संगठनमा विभिन्न जिम्मेवारी सम्हाल्दै आएका थापा नेपाल तरुण दलका पूर्व केन्द्रीय सदस्य तथा नेपाली कांग्रेस सोलुखुम्बुका पूर्व जिल्ला सदस्य समेत हुन् ।
युवा पुस्ताको प्रतिनिधित्व र पार्टीको संगठनमा युवाको सक्रिय सहभागिता सुनिश्चित गर्ने उद्देश्यसहित आफूले महाधिवेशन प्रतिनिधि पदमा उम्मेदवारी दिएको थापाले बताएका छन् ।
पार्टीको नीति, विचार र संगठनलाई थप सुदृढ बनाउन युवाको भूमिका महत्वपूर्ण रहेको उल्लेख गर्दै थापाले महाधिवेशनमार्फत आफूलाई प्रतिनिधिका रूपमा अघि सारेको बताएका छन् ।
.jpg)
