रौतहट : रौतहट राजपुर नगरपालिकाका नगर प्रमुख डा.राजिक आलमले बालविवाह रोक्न सबैको साथ र सहयोग आवश्यक रहेको बताएका छन् । वडा नं.४ मा आयोजित जनचेतनामूक सडक नाटक कार्यक्रममा उनले यस्तो बताएका हुन् । तराई मधेशमा बालविवाहका कारण समस्या हुने गरेको छ उनले बताए ।
बालविवाह न्यूनीकरण गर्न स्थानीय सरकारहरु लाग्नुपर्ने उनले बताए । आलमले आफ्ना छोराछोरीको उमेर पुगेर आत्मनिर्भर भएपछि मात्रै विवाह गरिदिन आग्रह गरे ।
बालविवाह न्यूनीकरण सम्बन्धी जनचेतनामूलक नाटक आरडिसी नेपालको सहयोगमा सम्पन्न भएको नगरपालिकाका नि. प्रशासकीय प्रमुख खुरसैद आलमले बताए । सडक नाटकमा बालविवाहका असर, बालविवाह रोकथामका उपायका बारेमा जानकारी गराइएको थियो ।
.jpg)
