काठमाडौं : भजन शिरोमणि भक्तराज आचार्यको जीवनकथामा आधारित फिल्म ‘आचार्य’ युट्युबमा सार्वजनिक भएको छ । फिल्म बुधबार राति ओएसआर डिजिटलको युट्युबमा सार्वजनिक गरिएको हो ।
प्रशान्त रसाइलीको निर्देशन रहेको फिल्ममा लोकप्रिय गायक सत्यराज आचार्यले आफ्ना बुवा भजन शिरोमणिको भूमिका निर्वाह गरेका छन् ।
फिल्म आचार्य दिवंगत भएको केही महिनामा देशव्यापी पुनः प्रदर्शनमा आएको थियो ।
१३ वर्षअघि पहिलोपटक फिल्मलाई हलमा रिलिज गरिएको थियो । फिल्म 'आचार्य' भजन शिरोमणिप्रति श्रद्धाञ्जली अर्पण गर्ने उद्धेश्यले गत असार ७ गतेदेखि पुनः सिनेमा हलमा प्रदर्शन गरिएको थियो।
फिल्ममा सुनिल पोखरेल, अरुणा कार्की, दयाहाङ राई, विपिन कार्की, सौगात मल्ल लगायत कलाकारले अभिनय गरेका छन् ।
गत फागुन १४ गते गायक आचार्यको ८२ वर्षको उमेरमा निधन भएको थियो ।
