काठमाडौं : गायिका रिज्योना कार्कीको नयाँ गीत 'जुनी जुनी' सार्वजनिक भएको छ । माया प्रेम भावमा तयार भएको गीतमा गायिका कार्कीलाई गायक रञ्जन राईले साथ दिएका छन् । मित्र केसीको शब्द, संगीत रहेको गीतमा विशाल निरौलाको संगीत संयोजन रहेको छ ।
अम्नि सुनारको निर्देशन, कोरियोग्राफी रहेको गीतमा नविन तोलांगीको छायांकन तथा राजा धामीको सम्पादन रहेको छ । गीतको भिडियोमा अम्नि सुनार र यमुना केसीको अभिनय रहेको छ ।
गायक रञ्जन राईको मिक्सिङ मास्टरिङ रहेको गीत दर्शक स्रोताहरुले रुचाइरहेको गायिका कार्कीले बताइन् । केही समयअघि गायिका रिज्योना कार्कीको 'फूल टिपी' गीत सार्वजनिक भएको थियो ।
