काठमाडौं : लोकप्रिय गायक राजेशपायल राईको स्वरमा रहेको नयाँ क्रिकेटसम्बन्धी गीत 'खेलौं एनपीएल, हेरौं एनपीएल' सार्वजनिक भएको छ । नारायण रेग्मीको शब्द रचना, लक्ष्मण पोखरेलको संगीत रहेको गीतमा अशोक थापाको संगीत संयोजन रहेको छ ।
नेपाली क्रिकेट फ्यान र खेलाडीहरुलाई उत्प्रेरणा दिने गरी तयार पारिएको गीतमा सर्वाधिक सफल गायक राजेश पायल राईले निकै मिठास तरिकाले स्वर दिएका छन् । बजारमा आइरहेका क्रिकेट गीतहरुमध्ये यो गीत फरक खालको रहेको गायक राईले बताए । नेपाली खेलखुदको समग्र विकासका लागि तथा खेलप्रेमी दर्शक र खेलाडीहरुलाई थप हौसला प्रदान गर्नेमा आशावादी रहेको गायक राईले बताए ।
किरण सिंह थापाको रेकर्डिङ, मनोज डंगोलको मिक्सिङ मास्टरिङ रहेको गीतमा नरोत्तम पाण्डेको क्यामरा र सम्पादन रहेको छ । गीतमा गायक स्वयंको अभिनय रहेको छ । गीत कि अफ लाइफ युट्युब च्यालनबाट सार्वजनिक भएको छ ।
