काठमाडौं : गायक गोविन्द मधुर आचार्य र गायिका शान्तिश्री परियारको आवाजमा नयाँ गीत ‘निरिमयाको’ सार्वजनिक भएको छ । गीतमा संगीतकार तथा गायक ऋषि खड्काले संगीत भरेका छन् भने गीतकार तथा संचारकर्मी किस्ना आचार्य ‘रोशनी’को शब्द रचना रहेको छ ।
गीतको म्युजिक भिडियोलाई निर्देशक तथा कोरियोग्राफर मौसम हिमालीले निर्देशन गरेका छन् । राजेश घिमिरेको छायांकन रहेको छ । विकास ज्ञवालीको सम्पादन रहेको गीतको कथामा मोडल विमल अधिकारी र साया भन्डारी देखिएका छ्न् । उक्त गीतलाई ‘तपस्या इन्टरटेन्मेन्ट’ युट्युब च्यानलबाट हेर्न सकिन्छ ।
हाल मध्यान्ह राष्ट्रिय दैनिकमा मनोरञ्जन संयोजकको रुपमा कार्यरत रोशनीको शब्द रचनाका थुप्रै गीतहरू यसअघि पनि सांगीतिक बजारमा उपलब्ध छन् । विगत लामो समयदेखि गीत लेखन र संचार क्षेत्रमा सक्रिय उनको आचार्य लगायतको टिमसँग भने यो पहिलो सहकार्य हो ।
बागलुङ जिल्लाका धुल्लु बास्कोटाकी छोरी किस्ना आचार्य सानैदेखि गीत संगीतमा रुची राख्थिन् । निरन्तर पत्रकारिता र गीत संगीतमा क्रियाशील उनी लोक दोहोरी, सालैजो, पञ्चेबाजा, झ्याउरे, तीज, दशैं, आधुनिक विधामा पनि पोख्त छिन् । उनका लघु कथा, फुटकर गजल, कथाका अतिरिक्त कला संस्कृतिका विविध आयामसम्बन्धी लेख पनि प्रकाशित छन् ।
