काठमाडौं : वैदेशिक रोजगार व्यवसायी शुभद्रादेवी बरालको निधन भएको छ । नेपाल वैदेशिक रोजगार महिला व्यवसायी संघकी उपाध्यक्ष बरालको आज बिहान करिब २ बजे ह्याम्स अस्पतालमा उपचारका क्रममा निधन भएको हो ।
एसआरएस ओभरसिज प्रा.लि.की सञ्चालकसमेत रहेकी ५८ वर्षीया बरालको स्वास्थ्यमा समस्या आएपछि मंगलबार राति ह्याम्स अस्पताल लगिएको थियो । न्यून रक्तचाप र मिर्गौलामा समस्या देखिएपछि उनको भेन्टिलेटरमा राखेर उपचार गरिएको थियो ।
स्व. बरालको आजै पशुपति आर्यघाटमा अन्तिम संस्कार गरिने पारिवारिक स्रोतले जनाएको छ ।
उनको निधनमा नेपाल वैदेशिक रोजगार व्यवसायी संघका अध्यक्ष राजेन्द्र भण्डारी, महासचिव मेघनाथ भुर्तेलसहित वैदेशिक रोजगार व्यवसायीहरुले श्रद्धाञ्जली व्यक्त गरेका छन् ।
_ZVHz6YSByW.jpg)
