काठमाडौं : बागमती प्रदेशमा एम्बुलेन्सको भाडादर निर्धारण भएको छ । बागमती प्रदेश स्वास्थ्य मन्त्रालयले राष्ट्रिय एम्बुलेन्स निर्देशिका २०७८ अनुसार ८ माघको मन्त्रिस्तरीय निर्णयले विभिन्न मापदण्डलाई आधार मानेर भाडादर निर्धारण गरेको हो ।
मन्त्रालयले १३ वटै जिल्लाका एम्बुलेन्स व्यवस्थापन समितिलाई पत्राचार गर्दै यसका बारेमा जानकारी समेत गराइसकेको छ । एक्बुलेन्स सेवामा ‘भुगोल फ्ल्याग’ दूरी १ देखि ५ किलोमिटरसम्म मानेर त्यसको भाडादर ३०० देखि ५०० रुपैयाँसम्म राखी जिल्ला एम्बुलेन्स व्यवस्थापन समितिले लागू गर्ने र गराउने पत्रमा उल्लेख छ ।
तराई र पहाडी स्थानका पिच, ग्राभेल र कच्ची सडकमा दररेट कायम गरिएको चिकित्सा सेवा महाशाखा प्रमुख डा खगेश्वर गेगालद्वारा जारी पत्रमा उल्लेख छ ।
