शुभ नारायण कामती/मध्यान्ह
सिरहा : सिरहा नगरपालिकाले सिरहा कारागारमा रहेका कोरोना संक्रमित कैदीबन्दीलाई पौष्टिक आहार (स्याउ र हर्लिक्स) मंगलबार वितरण गरेको छ । सिरहा कारागारमा रहेका कोरोना भाइरस संक्रमित कैदीबन्दीको लागि एक सय ५२ किलो स्याउ र ६ सय थान आधा किलोको हर्लिक्स उपलब्ध गराएको सिरहा नगरपालिकाका निमित्त प्रमुख प्रशासकीय अधिकृत बलिराम यादवले मध्यान्हलाई जानकारी दिए ।
सिरहा कारागारमा दुई आश्रितसहित ५ सय ८७ जना कैदीबन्दीमध्ये २७ भदौमा कोरोना परीक्षणमा ४ सय ८५ जना संक्रमित रहेका छन् । संक्रमितहरूलाई पौष्टिक आहारको अभाव महसुस भइरहँदा सिरहा नगरपालिकाले पौष्टिक आहारको व्यवस्थापन गरेको निमित्त प्रमुख प्रशासकीय अधिकृत यादवले बताए ।
कारागारमा रहेका कोरोना संक्रमितको स्वास्थ्य निगरानी राख्न एकजना चिकित्सक सहित १० जना स्वास्थ्यकर्मीको टोली र एम्बुलेन्सको व्यवस्था पनि गरिएको उनले बताए । एक सय ५० जना कैदीबन्दी राख्ने क्षमता रहेको सिरहा कारागारमा चार गुणा बढी कैदीबन्दी राखिएको छ । यता कारागारसँगै रहेको जिल्ला प्रशासन कार्यालयको पुरानो भवनलाई आइसोलेसन बनाउने काम भइरहेको जेलर बबिता महतोले बताइन् ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies