उदयपुर : उदयपुरमा आगलागीबाट एक घरसँगै कुखुरा फर्म जलेर नष्ट भएको छ । त्रियुगा नगरपालिका वडा नं १५ गुरूधाम स्थित महाबिर कट्वालको घर तथा घरसँगै रहेको कुखुरा फर्ममा आगलागी भएको हो । आगलागीबाट ९९ लाख बराबरको क्षति भएको छ ।
सोमबार बिहान २ बजेतिर कट्वालको २ तले घर र घरसँगै रहेको कुखुरा फर्ममा आगलागी भएको थियो ।
आगलागीबाट नगद ६ लाख, ५ तोला सुन, ५ तोला चाँदी, फर्निचरको सामान, काठपात, अन्नपात, भाडावर्तन, लत्ताकपडा, घर र कुखुरा फर्ममा रहेको ५५० वटा कुखुरा समेत जलेर नष्ट भएको जिल्ला प्रहरी कार्यालय उदयपुरका प्रहरी प्रमुख एसपी हरिहरनाथ योगीले जानकारी दिए ।
प्रहरी चौकी साउनेबाट खटिएको प्रहरी टोली र स्थानीयको सहयोगमा आगो नियन्त्रणमा लिइएको थियो । आगलागीबाट कुनै मानवीय क्षति भने भएको छैन ।
.jpg)
