रौतहट : रौतहटको राजपुर नगरपालिका ३ स्थित डमार चौकमा ईलाका प्रहरी कार्यालय राजपुरले चेकजाँचको क्रममा एक थान अल्टो कार भंन्सार छली गरी नेपाल प्रवेश गरेको अवस्थामा बरामद गरिएको छ ।
ईलाका प्रहरी कार्यालय राजपुरका बरिष्ठ नायव निरीक्षक अशोक कुमार कुर्मीको कमाण्डमा खटिएको प्रहरी टोलीले उक्त कार बरामद गरेको हो । सवारी साधनहरूको नियमित जाँच गर्दा उक्त सवारीसँग सम्बन्धित कुनै पनि वैध कागजातहरू नभेटिको प्रहरीले जनाएको छ ।
ईलाका प्रहरी कार्यालय राजपुरका अनुसार उक्त सवारी साधनको इन्जिन नं. एफ ८ डि एन १२३८३१३ र च्यासिस नं. एम ए ३ इ वाई डी रहेको सिल्वर८१५०११९५०५६ रंगको अल्टो कारको सवारी नं. डि एल ९ सी क्यु एस ८२४७ रहेको छ । पक्राउ परेको कारलाई भन्सार विभागसँग समन्वय गरी गौर भन्सार कार्यालयमा थप कारबाहीका लागि पठाइएको छ ।
