जनकपुरधाम : जनमत पार्टीले मधेश प्रदेश सरकारविरुद्ध प्रर्दशन गरेको छ । आइतबार मुख्यमन्त्री तथा मन्त्रिपरिषद् कार्यालय अगाडि जनमत पार्टीका नेताहरूले सरकार र मन्त्रीविरुद्ध प्रर्दशन गरेका हुन् ।
मधेश प्रदेशमा जनमत पार्टी नेतृत्वकै सरकार छ । तर नेताहरूले सरकारको कामकाजप्रति असन्तुष्टि जनाउँदै प्रर्दशन गरेका छन् ।
योजना खरिद–बिक्रीका सन्दर्भमा छानबिन गर्न, धनुषा निर्वाचन क्षेत्र नम्बर ३ मा एउटा पनि योजना नदिएको भन्दै पुरक परियोजनाबाट बजेट विनियोजन गर्न माग गर्दै जनमतले प्रर्दशन गरेको हो ।
प्रर्दशनमा सहभागीहरूले मुख्यमन्त्री सतिशकुमार सिंहलाई ज्ञापनपत्रसमेत बुझाएका छन् । ज्ञापनपत्रमा जनकपुरधामको सार्वजनिक सम्पत्ति संरक्षण गर्न र अतिक्रमण हटाउनसमेत माग गरेको उल्लेख छ ।
.png)
