यामराज बिष्ट/मध्यान्ह
दैलेख : दैलेखमा पानी, हावाहुरीसँगै परेको चट्याङले लाग्दा दुई जना घाइते भएका छन् । नारायण नगरपालिका ६ काँडाचौर नजिकै चट्याङ परेर दुई जना घाइते भएका हुन् ।
घाइते हुनेमा नेकपा एमाले जिल्ला कमिटी सदस्य ४८ वर्षीय यामनारायण उपाध्याय र उनकी श्रीमती ४५ वर्षीया बसन्ता उपाध्याय रहेका छन् ।
आज विहान नारायण नगरपालिका–६, काँडाचौरस्थित आफ्नै घरको आँगनमा बसिरहेका बेला चट्याङले लागेर यामनारायण दम्पती घाइते भएको जिल्ला प्रहरी कार्यालयका प्रहरी निरीक्षक इन्द्रजीत सुनारले बताए । उनिहरुको दैलेख अस्पतालमा उपचार भइरहेको छ । दुवै जनाको स्वास्थ्य अवस्था खतरामुक्त रहेको दैलेख अस्पतालका डा. जगत थापाले बताए ।
