.jpg)
काठमाडौं : वैदेशिक रोजगारीका लागि युके पठाइदिन्छु भन्दै २८ लाख रुपैयाँ ठगी गरेको उजुरीका आधारमा प्रहरीले एक जनालाई पक्राउ गरेको छ । पक्राउ पर्नेमा ललितपुर महानगरपालिका– १६ का अमन महर्जन रहेको काठमाडौं उपत्यका अपराध अनुसन्धान कार्यालयले जनाएको छ ।
आकर्षक तलबको प्रलोभनमा पारी वैदेशिक रोजगारीका लागि युके लैजाने भन्दै ३ जनालाई लामो समयसम्म झुक्यानमा राखेर विदेश नपठाई सम्पर्कविहीन भएको भन्दै पीडितहरूले दिएको जाहेरीका आधारमा उनलाई पक्राउ गरेको प्रहरीले बताएको छ ।
भक्तपुर मध्यपुर थिमि नगरपालिका वडा नं. २ बाट पक्राउ परेका महर्जनलाई वैदेशिक रोजगार ऐनअनुसार थप अनुसन्धान तथा आवश्यक कारबाहीका लागि वैदेशिक रोजगार विभाग ताहाचल पठाइएको प्रहरीले बताएको छ ।
.jpg)
